Fw: [閒聊] 這是新的起司牛肉可頌嗎

作者: x23x (xxxx) 看板: Soulace

標題: [閒聊] 這是新的起司牛肉可頌嗎

時間: Mon Sep 7 22:44:29 2026

昨昏因為一个莫名其妙的案件予檢察官調去做證人

而且出庭的時間是暗時8點半，本來想講那有人這號時間咧開庭辦案的，結果到桃園地檢署的時人閣袂少，外口椅仔坐規排十外人，三四个偵查庭陸陸續續咧叫人入去。

尾仔叫著我，入去法庭，內底就檢察官和書記官兩个人，書記官是一个看起來25、6的古錐查某囡仔，檢察官是30出仔的少年人，講話真客氣。

我佇頭前坐落來，檢察官先kap我確認身份，書記官佇邊仔拍字做筆錄。

檢：請問你的姓名？

我：lōa it-sim

檢：請問出生年月日？

我：1976 nî 10 gōe 31

檢：...不好意思，可以請你說國語嗎？（態度真友善）

我：無，我kóng tâi-gí。（笑笑仔）

檢：請問你身份證字號？

我：A it-jī-it-chhit-jī-O-O-O-O

檢：賴先生，不好意思，等一下可能要麻煩你說國語喔。（嘛是真客氣）

我：毋過我是講台語ê，我無講中語。（微笑）

檢：可是接下來要問案情，對話內容會比較多，所以還是要請你說國語。

我：恁會使派翻譯啊。（微笑）

檢：這個時間沒有翻譯啦。（口氣嘛袂真歹，講了kap書記官相對相）

我：...。（微笑）

檢：賴先生是這樣的，在法庭原則上是要講國語...

聽著這句話，我心內咧想講伊若是欲用這步壓我，我就欲共應講「請問是佗一條法律規定講佇法庭愛講中語？」，毋過檢察官毋知是發覺著家己話中的問題，抑是伊本底就無彼意思，頓蹬一時仔就紲落講，

檢：呃，因為我對自己台語聽力沒有完全的把握，擔心筆錄會有出入...

我：...。（嘛是恬恬仔微笑，心內想講這毋是我的責任喔）

檢：不然這樣好了，你就用台語回答，不過如果有遇到我不懂的句子還是詞彙，再麻煩你用國語好嗎？

我：若拄著這款情形我會解說到予你理解。

檢：好那我們就開始吧。

後壁開始問案情，原告被告我攏毋捌，嘛毋知影是啥代誌，聽起來若像詐騙案件的款。規个過程攏真順利，差不多十分鐘（頭前花「語言」彼葩無算）就結束矣。檢察官自頭至尾態度攏袂A無因為感覺對方太遮狡怪就起性地，可能伊本身人品好，抑是因為我是證人所以較客氣，抑是攏有。

有一工我會以被告的身份，行上法庭去挑戰殖民體制。

-----------------------------------------------------

該怎麼說 我覺得他的內心小劇場有點多了

不過這種人都很理想主義 某種程度上我還挺佩服的

--